Presidenti Tayyip Erdogan akuzoi SHBA-në të hënën për mbështetje të militantëve kurd për të cilët Ankara thotë se ekzekutuan 13 turq të kidnapuar në Irakun verior, duke thënë që një deklaratë dënimi e SHBA-ve është një “shaka”.

Turkia tha të dielën se militantët nga Partia e jashtëligjshme e Punëtorëve të Kurdistanit (PKK) ekzekutuan robërit, duke përfshirë personelin ushtarak dhe policor, midis një operacioni ushtarak kundër grupit, raporton Reuters.

SHBA-të thanë se qëndrojnë së bashku me Turqinë dhe se dënon vrasjet nëse konfirmohet që përgjegjësia bie mbi PKK.

SHBA dhe BE kanë caktuar PKK si organizatë terroriste, por në Siri forcat amerikane kanë luftuar përkrah luftëtarëve kurd të cilët Ankara i konsideron të jenë të lidhur me PKK.

“Tani është një deklaratë e bërë nga SHBA-të. Është një shaka. A nuk duhet ju të jeni kundër PKK dhe YPG-së? Ju qartë i mbështetni ata dhe qëndroni prapa tyre,” ai u tha mbështetësve të AK Partisë në Rize.

Që kur Joe Biden u zgjodh president i SHBA vitin e kaluar, Turqia vazhdimisht ka thënë se dëshiron të përmirësojë marrëdhëniet me SHBA, por mbështetja e SHBA për YPG ka inatosur Ankaran dhe qëndron një mosmarrëveshje kryesore mes aleatëve.

Erdogan tha se Ankara do të vazhdoj operacionet andej kufirit në Irak kundër IKK, e cila ka zhvilluar një kryengritje me dekada të vjetër në Turqinë juglindore kryesisht kurdë, në të cilën më shumë se 40,000 njerëz janë vrarë, transmeton arbresh.info.

“Nëse jemi së bashku me ju në NATO, nëse ne do ta vazhdojmë unitetin tonë, atëherë ju duhet të veproni sinqerisht ndaj nesh. Atëherë, ju do të qëndroni me ne, jo me terroristët,” tha Erdogan.

Ai tha se askush nuk mund të kritikoj operacionet turke në Siri apo Irak pas vrasjeve, dhe shtetet duhet të zgjedhin mes Turqisë dhe militantëve./arbresh.info/